Einige Kinder vom Kindergarten Lerchenbühl erzählen zu den Fotos von der tollen Aufführung ihres Musicals „Frederick“ nach der Geschichte von Leo Lionni.
Alli Chend vom Chendergarte Lerchebüehl spelid s`Musical „Frederick“. Ond das esch d`Schteimur, wo alli Müs wohnid.
Jetz send d’Chend inecho ond die Chend im 2. Chendsgi send gschtande ond die im 1. Chendsgi müend am Bode setze.
Ond am nöchschte Tag gönd alli Müs ofs Maisfeld go schaffe ond z’Ässe för e Wenter go sammle. Nor de Frederick höuft ned met. Är tuet Farbe sammle för de graui Wenter.
Denn hemmer alli s’Lied gsonge: „Ech sammle alli Farbe“. Ond während de Frederick i d’Sonne gluegt hed, hed er gseit:“Ech sammle Sonneschtrahle ond Träum för die chalte Wentertäg.“ Das verschtönd d’Müs ned ond tüend de Chopf hin ond her schöttle.
D’Müs send of d’Schteimur ufegange ond denn send die erschte Schneeflocke abecho. Ond d’Müs hend de „Iszapfetanz“ gmacht.
Denn söttid d’Müs sech ufwärme on tüend e Tanz mache.
Denn hend d’Müs Honger gha ond send zom Usruihe änegläge. De Frederick hed ene vo sine gsammlete Farbe ond Träum verzellt.
Ond denn hend sie de „Freudetanz“ gmacht. Sie tönd hin ond här tanze met de Füess ond vier Chend tönd vore rondome tanze. Die andere Chend tönd chlatsche ond denn esch fertig.